السبت، 22 أغسطس 2009

من مدينة الحرير الى ممشى رميثية


صفر قاعد يداعب احد الاطفال
اوكي كيفه
اطفال تنقال حق 2 وما فوق
بسيطة

ليش لابسين نفس التي شيرت بس الوان معكوسة؟
يعني واحد حمرا والحصان اسود
والثاني سودة بس هالمرة الحصان احمر
والله حرررركات
مادري ليش احس تقليد مالوت المخازن الكبرى
وبعدين خلاص يا جماعه لاعت جبودنا من الRalph Lauren
والله حتى الاصلي ما ينبغى
شهالابتذال اللي مو راضي يخلص
هم بسيطة ونرجع على صفر


انا ابي اعرف وين باجي الاطفال؟
صفر داعب بس واحد منهم
وين الباجي؟
ورمضان كريم

ونترككم مع هذا الفرينسي الجميل وهو فن من فنون التراث الشعبي الاصيل

هناك 21 تعليقًا:

SHOOSH يقول...

عنوان البوست عجيب

قمة الروقان

:)

عنيف يقول...

لا والله يداعب احد الاطفال اخاف باجر تصير نفس سالفة مايكل جاكسون يقولون له تداعب اطفال


بس تصدق الولد حفيده يمكن رازه معاه جود انه بعد 25 سنه ينزل انتخابات البلدي ويقول هذا انا بالجريده لوول

عيدك مبارك يا عم

كويــتي لايــعه كبــده يقول...

98% من التكلفة تبرعات وهم مرتزين بالصور؟

الطفل الأوحد جارينه لزوم الصور

تقول مدينة الحرير؟...
خير ان انشاء الله


مبارك عليك الشهر
واترك عنك وزير التأبين


فرينسي؟
واي؟
شنو هذا!

Enter-Q8 يقول...

يمكن قصدهم احد من الحضور عقله عقل طفل

{~المباركية~} يقول...

اهم شي انه صوب بيتنه تصدق حسافه كنت نايم لو قاعد جان تشمت عليهم من الدريشه و اقولك جم اطفال كان ;p

mfales يقول...

ويقولون البدو ما ينتمون الى الحضاره الاوربيه
شوفو اسم القصه فرينسي
كماهو معرووف البدو يقومون بتصغير الاسم مثال كوت الكويت ...
;)

بومريوم يقول...

مبارك عليك الشهر

fatto يقول...

لوووووووول انت بالموضوع ابكبره موذابحك الا كلمه اطفال لوووووول

Jako يقول...

العنوان مميز صراحة :)

أنا أقول خلهم على الممشى لأن هذا حدهم بلا حرير بلا بطيخ

mowa6en يقول...

وشلون يصير التحلطم !!
:)


مبارك عليك الشهر

شـقــران يقول...

الغالي راعي تنكر


مساء مدينة الحرير
:)


عندي تعقيب بسيط

اسم هذا الفن الشعبي هو ((الفريسني)) وليس الفرينسي...فلا يخفاك أن منبع الكلمة أتى من الفرسن...والتي تعني الساق عند الماشية

وجب التنويه حتى لا يتناقل الأخوة الخطأ خصوصا وأنك موسوعة وكلامك على الدوم محط ثقة عندي وعند بقية الزملاء



لك مني أجمل التحايا وأرقّها

غير معرف يقول...

شكلها الدودة ما تبرد حتى برمضان!

اذا جاء شهر رمضان انحبست الشياطين والديدان ... الا دودتكم هذي اللي تحك مكاويكم حك

والله ابتلشنا بالعقد واصحاب الجناسي المزدوجة


هذي نتيجة التجنيس العشوائي بالسبعينات


حضراتكم!


خودافس

ma6goog يقول...

انت الحين قزر بالممشى و الحرير ياي بالطريج

غير معرف يقول...

اكتبلنا عن بو تي شيرت احمر وعن اللي يسويه بالوظفين الكويتيين بادارته اللي مايخاف ربه

أبو الدســتور يقول...

شالياهل النشبة

غير معرف يقول...

والله مــشروووع كــبير وضخم


اللي الــوزير بـ شحمه و لحمه يفتتحه



همــسه :

بعد جم اسبوع سيتم افتتاح مترو دبي

غير معرف يقول...

abi wa9fat el maraag shloon ??? oo 5athraa wle y3afeek ;P

راعي تنكر يقول...

shoosh
حياج الله

عنيف
والله كل شي جايز يالعنيف

كويتي لايعه كبده
وجييه عريضه
فريسني عشان لا يزعل الاشقر

بوليد
هم يمكن

المباركية
نوم العوافي

mfales
البدو قمة الحضارة التكنلوجيا

بومريوم
علينا وعليك
تعوده بالصحة والعافية

fatto
حتى جرايدنا ما يعرفون السنع

jako
انت المميز

mowa6en
علينا وعليك

الاشقر
والذي نفسي بيده اني اعلم هذه المعلومة ولكن تعود العربان على استخدام الكلمة الخطأ وهذا يرجع برأي الى سهولتها في النطق
عموما شكرا على التنويه ومبارك عليك الشهر

غير معرف
مبارك عليك الشهر

مطقوق
والله نااااطر الحرير

غير معرف
والله ما عندي فكرة
بس اذا عندك معلومات موثقة ممكن ترسلها لي على الايميل

ابو الدستور
والله اهما اللي غاصبينه

غير معرف
الله يعين

غير معرف
مرقة سمك؟ لحم؟ دجاج؟

Sarah يقول...

عندنا فن السامري فن الأصوات

العرضة فرينسي موفن كويتي !!!

شـقــران يقول...

الاخت سارا

مساء الخير

عزيزتي من قال ان العرضة والفريسني ليست فن كويتي؟!

ومن الذي يحدد ماهية وجنسية الفن؟...هل هو حضرتك مثلا؟!


ان كنتي تجهلي فنون البادية فهذا شأنك...أما ان توزعي الشهادات بأن هذا فن كويتي وهذا فن غير كويتي فنقولك السموحة هالامر ليس من اختصاصك
:)


لك مني وافر الاحترام واطيب التحايا

غير معرف يقول...

http://www.alraimedia.com/Alrai/Article.aspx?id=152172


تـفضل اخـوي هذا خبر مترو دبي من جريدة الراي


وتقدر تكتب بـ قوقل مترو دبي

بعدين اضغط على news تطلع لك آخر اخباره