الاثنين، 2 يونيو 2008

ثم تجلت حماقة الاخرق علي



*

بعد ظهور نتيجة نائب رئيس مجلس الامة ونجاح اللميع ضد السلطان

نقز لنا

علي الراشد بكل وقاحة ولقافة يقول للميع

احنا نعين ونعاون

اولا منو انتو؟

التحالف قصدك؟

كلكم ثلاث جحوش

وفرق الاصوات بين السلطان واللميع 8 اصوات يعني لا تهشون ولا تنشون

يعني الريال فايز فايز

يا معود تكفه لا تعيش الدور

الرومي اللي قطيتو حملكم كله عليه وسويتوا الاكو والماكو حصل 11 صوت وبالغصب

الحين ياي تمن على الريال

تكفه استريح

ثانيا

يا بو "نعين ونعاون"

مستانس انك عاونت نائب نجح عن طريق الفرعية القبلية اللي تخالف الدستور والقانون اللي قبل شوي اقسمت انك تحترمه؟؟؟

على الاقل السلطان ولو ان سلفي ونختلف معه فكريا بشكل شبه كامل الا انه وصل الى المجلس بشكل نزيه والناس صوتت له لانها مؤمنه بفكره

نقطة اخرى

ما حسبتوها انتو ياللي تعينون وتعاونون ان وجودالسلطان كنائب رئيس ممكن يخفف جدا من حدة النواب السلف بشكل خاص والمجلس ككل بشكل عام

بس الظاهر انتو ياللي تعينون وتعاونون الظاهر ما تقدرون تعيشون بدون تأزيم

بتبلشون بخرفانكم

ما اقول الا العن ابو الليبرالية الى تعرفها انت ومن هم على شاكلتك

ههههههههههه

يعني طالع فيها

"نعين ونعاون"

مالت عليك

-----

*مدونة التفاؤل

ايضا

سؤال مهم في مدونة بوبندر

هناك 27 تعليقًا:

enter-q8 يقول...

راعي تنكر
والله انك فاهمني صح

شفته بو نعيين

يعني ترى يالسلطان انت مو قدنا

قمة السخافه و الله


بس مثل ما قلت انت شنو الفيلم الجاي

تصدق ما ودي اشيل العزا اللي منزله لمدة سنة

KQ8 يقول...

حركااات الراشد..يعني يبي يدش جو فزعة ..نعين ونعاون قاعد تبدل بنجر يالحبيب

حد القلم يقول...

الأغبى منهم الحكومة الي صوتت للميع و فتحت على روحها باب الله اعلم شلون بينسد

بالنسبة للتحالف الواطي فما ادري شلون تفكر هالناس و تكره كل متدين و كل صاحب لحية و كل قصير ثوب و كل و كل ... اعوذ بالله شهالعنصرية .. ؟
حتى عيالكم اذا صارو كذي كرهتوهم .. خالد السلطان يا علي الراشد حسبة ابوك و من نفس دائرتك و فاز بعرق جبينه شلون تجفس فيه و انت القاضي الفاهم المتعلم و الا لان مركزه اعلى منك .. اذا كان هذا السبب فهل انت ياهل يا علّوي .. ؟

شلون تعطي صوتك حق واحد فاز بفرعية و كيسين لحم .. ؟

خلني ساكت عن مصالح بعض المستنفذين إلي يفيدهم وجودك بالمجلس يا قاضي يا فاهم يا متعلم..

صدق من قال ..

و جاء في الصحيح .. نقلا عن المسيح
عالجت كل أكمه .. و أبرص مشوه
غير أني لم أطق .. قط علاج الأحمق

أبــو بنــــدر يقول...

صدقت والله جحوش

بس أمس ما لا حظت ان ان عليوي مكثر ميك أب ؟


((:

فتى الجبل يقول...

للاسف
اذا كان اللي ينادون باسم الاسلام يتمصلحون
ف اشلون ما تبي الدنيا تقلدهم

blacklight يقول...

يا الغالي
صح علي الراشد كله على بعضه غلط بغلط بس صوته للميع ولا صوته حق السلطان.
عزيزي تذكر كلامي وبوستاتي اللي تكلمت فيها عن الفرعيه وانه لو شنو حطيتوا لهم قوانين ماراح تغيرون عقليتهم ولا عقلية الحكومه المنافقه اللي تسوي روحها قانويه بيوم وباليوم الثاني تعطي امثال الميع مناصب وترزهم.

لا تبالغ بالهجوم على التحالف عزيزي ضرب الميت حرام وصدقني ما بني على باطل فهو باطل ,ذبحونا بالنت بإسطوانة الكمال والمثاليه وحذرناهم ترى محد كامل وراح ايي اليوم اللي تناقضكم الفكري راح يصير العصا اللي تنطقون فيها على روسكم بس عمك أصمخ.

رجاء أخير لك وللأخوان كلهم لا تتأثرون باللي صار ولا تتحبطون هذه المرحله من اصعب المراحل بتاريخ الكويت السياسي محتاجه همتكم وعزيمتكم .

kamikaz يقول...

هههههههههههههههههههههههاى والله انت عجيب يا راعى تنكر


بداية نهاية على الراشد

صج صج يكسر الخاطر

اثبات وجود على الفاضى

والله من طاح على راس لولوة القطامى واهيا توخر عنه وتعالى غصب احب راسج
طاح من عين الناس....

لكن المثل يقول :
اعطنى حظا وارمنى بحرا

بومريوم يقول...

قلنالكم لازم تجمع ثاني للبراليين الصح..
اللبرالين اللى من رحم الشعب..

عندى لك خوش كتاب للتاسيس للفكر الليبرالى الشعبى

Unknown يقول...

شفرة يالطيب هذى شفيك :)

الصراحة اول مرة ادش مدونتك وشكلها ما راح تكون الاخيرة

غير معرف يقول...

عــلــي الــراشـــــد لا هـو لـيبرالي

ولا شـــــــــي


بس يــبي يصــعد على أكتاف الليبراليين

ويسوي حركات واكـشـنات يعني انا لـيبرالي وادافع عن مبادئي

طــــــــــــــل


ثــانيا كلمة علي الراشد
يـبي يستحقر الـسـلطان

وعلى قولتك كلكم 3 شـتعين وشتعاون


جان عــاونت الرومي او عــاونت نفسك




عـلـي الــراشـــد

الــرجــل الغلط في الـمكان غــلط


ويكسرون الخاطر اللي صوتوووله
قاص عليهم


اي والله جـحــوش

غير معرف يقول...

كل بوستاتك عن التحالف مشالله لي هالدرجه قاثيينك يعني ؟
تبي منصب عندهم ومو معطينك ويه الظاهر ؟
------------
اكو اسلوب ارقى من ثلاث جحوش ياجحش

غير معرف يقول...

ممكن نقد بلا شتايم يصير.....

غير معرف يقول...

بعدين ياغبي ويا جحش
قصده انه يعين ويعاون بعدين في فترة الرئاسه مو لمن فاو يقوله نعين ونعاون
صج جحش انت وحمار بعد

ةاسف على الاسلوب لكن انت هذا اسلوبك وماتفهم غير جذي شكلك

راعي تنكر يقول...

Enter-Q8
هلا والله
ادري ادري وحاس فيك
بس تكفه شيل العزا ولهنه على بوستاتك

KrakatoA
لووول
اي والله

ابن زيدون
عزيزي هو صراع مصالح غابت عنه المبادئ

ABO BANDER
لا لا بس الرطوبة لعبت دور
:P

فتى الجبل
افا والله
الحين صار الاسلامي السياسي قدوة لنا

blacklight
عزيزي
اذا السالفة اختيار بين اللميع والسلطان خل يمتنع
اساسا ماراح يأثر
بس مو يصوت حق القبلي الفرعي ويتباها ويفتخر
خصوصا من اشد المعارضين للفرعيات
اما الحكومة قاحان المفروض ما نشره عليها
ولا تخاف
الامل موجود وبقوة
عمري ما ربطت امال على شي اسمه التحالف الوطني

kamikaz
حياج الله
الحظ مو كل شي

بومريوم
هلا بالعود
على ايدك يا معود
والله من صجي
معاك بالشي اللي تشوفه مناسب
شنو الكتاب؟

Mishari
اي شفرة يا معود
تلاقي امس متعلمها واذانا فيها

غير معرف
صدقت

غير معروف
اي والله غاثيني
واذا اكو منصب ما اقول لا
اكو ارقى بس هذا الوصف المناسب بوجهة نظري

غير معرف
انا ما شتمت
انا وصفت

غير معرف
ما فرقت
قبل التصويت
بعد التصويت
مو من كثره اللي يقول هالحجوة

غير معرف يقول...

اضم صوتي لصوت الغير معرف الفوقي ..
بس من غير شتايم الديره معفنه مالت ع اللي يفكر يرجع لها

الشق عود يقول...

حقيقه انك شخص غير محترم
هذا كلام ينقال عن نائب مثل الراشد !!

يا سفيه , سبب كلمة علي الراشد لها سبب وهو اللي صار امس بالليل
المقصود فيه الصقر بسبب لعبته الخبيثه بدعم خالد السلطان دون علم الراشد , وهذا اللي خلا الراشد يقول هالكلمه ويستقيل من التحالف

صج انك وقح على هالكلام الغير مسؤول
تأدب بالحديث , هذي مدونه تخاطب الناس فيها مو حمام بيتكم !!

حنطفيس يقول...

حتى بأستراحة التناكر اللي بفحيحيل ماتسمع هالكلام الواطي
علي الراشد من النواب اللي يندر وجودهم بهالزمن وهو مو ناطر اشاده من اخرق نفسك , احترم نفسك وانزل الناس منازلهم
تبي تنتقد انتقد بأدب مو بهالطريقه وكأنه مدونتك ماخور,

ولو كل كلب عوى القمته حجر
لأصبح الصخر مثقاله دينار

جليل الحيا

enter-q8 يقول...

الشق عود طول بالك يا خوي هذا انترنت تلاقي فيه الصاحي و الخبل

و علي الراشد بما انه شخصية عامه فهو معرض للنقد اكثر من غيره

و اكرر النقد مو السب

غير معرف يقول...

العزيز راعي تنكر
مساك الله بالخير


وهذا بالضبط ماتحدثت عنه في مدونتي قبل يومين


وعارضني البعض!!؟؟



وتحياتي لك



المحــــــــب/


شــقــــران

غير معرف يقول...

اسلوبك جدا راقي مشالله عليك
-----------
يحق لك انتقاد من تريد لكن باسلوب الاوادم

حياتي هدف مو عبث يقول...

يعين ويعاون ... !!

خير إن شاء الله ..

وأخووي راعي تنكر .. أنا أختلف معاك بالفكر 100% لكن أحترم فيك إنصافك سواء ليبرالي ولا إسلامي ..

حتى الآن أنت الوحيد الليبرالي الصاحي :)

شقران يقول...

العزيز راعي تنكر


يبدو أن هناك من استغل اسمي..لذلك أرجو مسح التعليق


مع وافر الاحترام والمودة

المحـــب/

شــقـــران

enter-q8 يقول...

ههههههههههه

راعي تنكر الله يهداك
هاد المحطة حق هالجميل هذا يلعب بالماي و يوصخ الدنيا


عموما لو يلاحظون الاخوان ان المعتوه اللي يكتب باسمائنا
قاعد يسوي حركة
open id

فقط لا غير

بوعبدالله يقول...

السالفه خاربه هني .. طاع هيفا شتقول .. ولو اني ماظن ان هذي هيفا ماغيرها مالت مدونة العلمانيين.

الوضع صعب هني اول مرة اشوف مدون جذي والله كنت بعقب على هالموضوع بس نسيت شكنت بقول!

Mozart يقول...

عزيزي تنكر انت في جانب الحق و الصواب فلا تدعهم يستفزونك و يلبسونك بالباطل

haifa يقول...

Enter-Q8

لو سمحت ممكن تشرح لنا المقصود بحركة open id الي استخدمها المعتوة بما اني احد المتضررين وقام كما ذكر لي الزميل بوعبدالله بالشتم واستخدام اسلوب متدني بالتعليقان وبكل اسم بمعرفي .. اريد ان اعرف كيف؟

وتقبل جزيل شكري مقدما

enter-q8 يقول...

هلا اختي
شوفي الصورة اللي حاط رابطها
لما تجي تعلقين
ضغطي على OpenID
او الاسم / عنوان URL

راح تطلعلك خيارات
بطريقة بسيطة باختيار اي منهم
تقدرين تسوين الحركة
بس مكشوفه للي يقدر يدقق

لأن اذا كتبتي بمعرفك اللي بجوجل

راح تلاقين شعار Blog العبارة عن حرف B

باللون البرتقالي

اما غير معرف او OpenID

راح تلاقين صورة جنب النيك نيم باللون الرمادي

هذا رابط الصورة اللي يبيين الخيارات اللي تستخدم للتعليق

http://picasaweb.google.co.uk/enterq8/ToAnother/photo#5208512389289013714