الثلاثاء، 8 سبتمبر 2009

أسلمة الوظائف 2

المثال الثاني : مشاري العفاسي
الوظيفة : مغني اسلامي
الوصف العام للوظيفة:
ممارسةالغناء والطرب والدقدقة طبقا للشريعه الاسلاميةو بالاستعانة بامهر الملحنين من امثال المتألق احمد الهرمي, رابح صقر و حمد المانع. لدينااغاني بكل لغات العالم ولكل المناسبات.

متعهد سمرات عدني ويماني واصوات وكواسير,بس ها!؟وفقا للشريعه السمحاء. ادارة كاملة للعروس قسم رجال-ودي نسائي بس صعبة . يوجد لدينا ادعية خاصة بنا ومشهود لها بالنجاح حيث لاقت استحسان الكثير من زبائننا بعدما تحققت امنياتهم بشكل مباشر فور ترديدها, اسأل عن الادعية الVIP.

أخي,أخيتي,ان كان صوت المؤذن القريب من بيتكم مو شي او ينشز, يمكنك الحصول على اذان خاص بك بصوتنا العذب تسمعه حتى لو مو وقت صلاة. يمكنك الحصول على القرآن الكريم بصوتنا وستجد الفرق, نضمن لك خشوعك وتلذذك في صلاتك كتلذذ زين بالقدود العراقية.

للحصول على خدماتنا وعروضناالالهيةارسل رساله من محمولك-ملاحظة الخدمة فقط متوفرة مع المعازيب..تدرون سوالف احتكار.أخي المسلم,أخيتي المسلمة,ان كنت تشعر بتأنيب الضمير عند سماعك للاغنيةالتقليدية, فاننا اليوم نسمعك اغاني ,ومعاهم حسنات فوق البيعه,شتبون بعد بس ارسل أكثر..للحصول على بركة اكبر.

وكل عام وانتم بخير مع زين الشهور.


هناك 28 تعليقًا:

جبريت يقول...

قلت لك يا راعي التناكر خل نسوي شركات تحت اسم الدين نربح صدقني نسوي مثل الي يقول واذا استسمكتم فأبلحوا

نييب العفاسي يقرا على تناكرك ويصير الماي فيها مقري ويصير اللتر بربع دينار عليك الحسبه يعني اعطيك اسبوعين مسكر المدونه و مجابل الحلال

ولا تنساني ياخوك بالدعايات للجبريت الاسلامي (ولع الغاز بالجبريت الاسلامي المباح)

SHOOSH يقول...

انا من بدى رمضان و انا العفاسي مسويلي ازمة

و كل ما قلت حق احد شلون يغني و في بنات و اقص ايدي اذا ماكو موسيقى قالوا لي عادي خليه يترزق الله انتي شكو

عاد امس اهوا طالع بالجريده و يقول زين الشهور ما استخدمن فيها آلات موسيقيه

Icarus يقول...

عاد تصدق شنو المؤذن الي يم بيتنا مزعج يخرب بيت النشاز الي يطلع منه!


أنا مو قاعد أفكر بالبوست قاعد أفكر بالتعليق الي راح يتركه بوعبدالملك!!! لووووووووووول

:)

Mohammad Al-Yousifi يقول...

تصدق اني قمت احبه زيادة بعد الهجوم عليه من قبلكم و قبل السيد حسام بن ضرار

مادري يسوى اكتب موضوع ادافع فيها عن ما يقوم فيه العفاسي و اهميته بالنسبة لي ام لا؟

بو عبدالملك يقول...

راعي التناكر
لما سالتني الاساله هذ (ما هي الشروط الشرعية للخروج على ولي الامر؟
متى يحرم الاسلام الخروج على ولي الامر ومتى يستوجب الخروج عليه؟
متى تسقط ولاية الامر؟ ) انا ماجاوبت لان الهدف من الاساله مو التعلم فهمت

والحين اثبت لي


سؤال شنو شهادتك؟؟
وماذا فعلت للامه الاسلاميه؟؟
علشان تروح وتتكلم على عمك مشاري العفاسي
بس انت تحب الزندقه
العفاسي نفى ان باناشيده معازف
وبما ان نفى انت ضاق صدرك ف رحت تزندق
بالمدونه مثل الكلب كرمني الله


صج ان في بنات وهذي تسجل عليه
بس اللي انت قلته هذا جذب بجذب

وكثر من الزندقه
وسلامي

تحبون تتمصخرون

راعي تنكر يقول...

جبريت
لوول والله ابرك من التدوين الف مرة
:P

shoosh
خليه يترزق
المشكله مو فيه..المشكله بزباينه

jako
ترى اذا فعلا مزعج باستطاعتك تجمع تواقيع بعض جيرانكم وتقدمون فيه شكوى بالاوقاف

مطقوق
تهنا فيه يا بوسلمى
اما اذا دافعت عنه فانا راح اعن مقاطعه كامله عن مدونتك ولمده 45 يوم
كيفك عاد

بوعبدالملك
اولا انت دخلت بالنوايا ومو من حقك تحدد شنو اسباب اسئلتي لك
فهل شققت عن صدري؟؟؟

ثانيا شنو شهادتي؟
ليش اهي بالشهاده يعني؟ ترى ياما ناس دكاتره وسوالف مثل العالم ما تعرف تسولف وياما ناس اميين ومنهم شيابنا الله يطول باعمارهم لكنهم يملكون من الحكمة والعلم والخبره الشيء الكثير..وبعدين لا تنسى ان نبي الامة محمد بن عبدالله عليه الصلاة والسلام كان أمي وما عنده شهاده..شرايك تكفر فيه لأن ما عنده شهاده..تسويها انت ما عندك مشكله

ماذا فعلت للأمة؟
من زين الامه عاد
عموما الانسان الرزين الذهين حتى لو مسوي شي حق امته ما يقعد ويمن عليها ويقول سويت وسويت

اما مشاري العفاسي اذا انت تراه انه عمك فلا يعني ذلك انه عم غيرك

واتهامك لي بالزندقه اتهام جدا خطير لان الزندقه ضرب من ضروب الكفر و إذا كفر الرجل أخاه فقد باء بها أحدهما واني اشهد ان لا اله الا الله واشهد ان محمد رسول الله

اما شتيمتك لي فوالله لا أدري كيف أرد عليك ولكني افضل الصمت والله شاهد علينا

بو عبدالملك يقول...

راعي التناكر
انت توجهك مو اسلامي يعني شتبي بالاسئله هذي


زين ليش عصبة لما سالتك شنو شهادتك؟؟
بامكانك تجاوب وبامكانك لا
بس انا سالتك علشان ماتجي انت ماعندك علم بالشريعه وجاهل فيها وتستهزء على المشايخ
لاصرت فاهم بالشريعه بعدها روح قول عن صالح النهام مشعوذ!!
اما على الرسول الكريم فهو امي يعني لايقرا ولايكتب لكن مو معناته ان الرسول جاهل بالعلم فهمت
من حكمت ربك ان خله الرسول امي لايقرا ولايكتب علشان محد يتهمه ان هو اللي مالف القران فهمت
والشرح طويل

بس امثالك لايفقهون

اما على سالفة الامه الاسلاميه وتقول من زينها فهي امة الرسول الكريم وهو الذي اسسها فاذا انت تستهزء بامة الرسول وموعاجبتك فهذا كانك تقول ان الرسول اخرج امه تافه والرسول معصوم يعني انت الله اعلم اشك في اسلامك




وبما انك لاشهاده ولاتفيد الامه الاسلاميه ومو عاجبتك العفاسي وموعاجبتك امة الرسول الكريم
ف لاتقعد تتمصخر على شخص افضل منك وهو الحين قاعد يصلي باحد مساجد امريكا
انت شنو انت زنديق تضرط من ورا شاشه
ف لاتسولف على الافضل منك علما وشهره وصوتا دينا
الظاهر فيك صفة النساء الغيره

كويــتي لايــعه كبــده يقول...

اسلام سياسي

والآن...
اسلام تجاري

بو عبدالملك يقول...

كويتي لايعه كبده
اسلام سياسي : مثل القلاف وجمعان الحربش وعلي الراشد واسيل العوضي
اسلام تجاري
اسلام صحي
اسلام اجتماعي
اسلام نفسي
اسلام علمي
اسلام روحي
اسلام ووووووو الخخخ
الاسلام داخل بكل شي
الاسلام يعلمنا كل شي حتى تكرم شلون تتبول وشلون تخرج
ف لاتتعب نفسك
ويعني تبي تبين ان الاسلام مافيه سياسه

جبريت يقول...

بو عبدالملك وصل هني بعد؟؟؟


استغفر الله العلي العظيم منه هالادمي

بو عبدالملك انت شنو ما عندك ذرة حيا ما تستحي كثر ما نهوس عليك ما تفج؟؟؟

يا بابا لا تسوي روحك فاهم وايد ترا الاسلام فاهمينه قبل لا انت حتى تطلع من بطن امك تروح تسمع لي محاظره بمسيد وبعدها مسيد ثاني عبالك خلاص صرت امام المسلمين

بو عبدالملك يقول...

جبريت
قال تعالى (واذا قيل لهم امنوا كما امن الناس قالوا انؤمن كما امن السفهاء الا انهم هم السفهاء ولكن لايعلمون )
فهمت

أهل شرق يقول...

الدين طير حر ،، من صاده قنص به

بو عبدالملك يقول...

اهل شرق
صته ولا لا

أهل شرق يقول...

الاخ بوعبدالملك :

رجاءً مرة ثانية لاترد تعليقاتي

لان المفروض الي يرد علي صاحب الموضوع

الله يجزاك خير

بو عبدالملك يقول...

اهل شرق
انا احد البشر الذين لهم دين
يعني انا واحد منهم ويحق لي ارد عليك
ويحق كل شخص له دين ان يرد عليك
وشكرا

أهل شرق يقول...

الاخ بوعبد الملك :

للمرة الثانية أرجوك لا ترد على تعليقاتي لأن بإختصار تعليقي موجه لصاحب الموضوع مو لك .. يعني انا ماعلقت على موضوع انت طارحه علشان علشان ترد علي ..

ممكن جزاك الله خير

راعي تنكر يقول...

يا بوملك
اولا اشكرك انك امباشر ضيوفي بالمدونة
بصراحه مسوي جو مو طبيعي
شرايك من البوست الياي انت اللي ترد عليهم بدالي..ترى الجيب واحد يالحبيب

المهم
شنو يعني توجه اسلامي وتوجه مو اسلامي؟ في شي بالقرآن او السنه يقول توجه اسلامي او رجل اسلامي, ما نعرفه انه رجل مسلم او رجل غير مسلم

عصبة ما تنكتب هكذا بارك الله فيك والصحيح عصبت بالتاء المفتوحه

والمشايخ استهزئ فيهم بعلم الشريعه وبدون علم الشريعه لأنهم بالنهاية بشر ولست ممن يصنعون الالهة

وبعدين لما تقول رسول لازم تقول وراها صلى الله عليه وسلم او عليه الصلاة والسلام
يا اخي احترم نبيك ونبي هذه الامة

والنبي صلى الله عليه وسلم بريء من هذه الامه المتخلفة التي اصبح مشايخها من امثال المشعوذ النهام والمغني العفاسي والاهبل العوضي اللي ما يتحركون قيد انمله الا اذا السالفة فيها مسجات زين وسعر المسج نص دينار


وبعدين هذا شلون يصلي في امريكا؟
هل هو في حاجة الى ذلك؟
الا تعلم ان السفر الى بلاد الكفر بدون حاجة حرام حرام حرام
ولكن دام ان السالفه في بهرجه اعلامية وامريكا ومراكز اسلامية غربية فأكيد ماراح يطوفها مشاري

مرة ثانية تقول عني زنديق والزنديق هو الكافر

قال رسول الله عليه الصلاة والسلام
إذا كفر الرجل أخاه فقد باء بها أحدهما


كويتي لايعه كبده
والخير بقبال

أهل شرق
صدق بن سعود

حسام بن ضرار يقول...

العفاسي الله يهداه زعلان ليش ما خلوه يصلي كل ليله من ليالي العشر الاواخر بالمسجد الكبير!

سبحان الله،

حتى الحرم المكي الشريف فيه اكثر من خمس مشايخ (اذا مو اكثر) يتناوبون على الصلاة فيه.

شنو اللي يفرق بالعفاسي (مع احترامي له) من ناحية الافضليه العبادية عن غيره من القراء في الكويت عشان يقصونهم و يخلون حق الامامه بالمسجد الكبير له من دون غيره؟!

الصراحه احيي تعامل وزارة الاوقاف عندنا مع موضوعه و تعاطيهم مع ظاهرته بعقلانيه و اعتدال.

بو عبدالملك يقول...

راعي التناكر
ودي ارد عليك بس طلعت من طقت جاكو وبن كريشان ونوافكو قواطي مع احترامي لك

الرسول الكريم هو اللي يتبرا من امته مو انت اللي تبرا الرسول الكريم من امته
ف احترم رسولك

Icarus يقول...

يالغالي ترى هذا ماينفع معاه أسلوب الذرابة وطولة البال

هذا ما يفهم إلا لمن تطيح فيه تطنز وتشلخ فيه

أما أنك تقوله مايجوز تكفرني وتذكرله حديث...ترى ماينفع لا يغرك حماسه الديني

ولا ينفع معاه الحوار العقلاني شوف جم مدون على اختلاف التوجهات كفرهم وفوق هذا طايح سب فيهم

( طموحة ، سرحان ، mate ، ناقوس ، كاريزما ، المتهافت ، د.بلو ) هاذي الأسامي الي حضرتني وطبعا القائمة أطول

بو عبدالملك يقول...

جاكو الكلب
لاتفتري علي
ترى الشخص هو اللي يكفر نفسه اذا فعل او قال شي كفري
فهمت يعني انا اذا قلت انك انت كافر يعني بس اوضح لك لانك انت اللي تكفر نفسك مو انا اكفرك فهمت
(mate طموحة ) هذيل محد كفرهم
بس ماعليه هذي جذبه من عندك

جبريت يقول...

ولا تزعل يا بو عبدالملك انت كفرتني انا بمدونة لنا كلمه

واذا ما خاب ظني كفرت الاخت بيت القرين


بو عبدالملك الدين ترانا نعرفه اكثر منك لا تصير لي ابن تيمية زمانك

بو عبدالملك يقول...

جبريت عنيف
انت تكفر نفسك مو انا اللي اكفرك
انا لاشفت انك كفرت اقولك انك مفرت فهمة

راعي تنكر يقول...

الحسام
يبي يحتكرها
وتبي الصج الشرهه على الكويتين اللي كل سنه هابيين لي بامام وكأنه الصلاة باطله دونهم

بوملك
هلا بالفطين
يبا خلاص عيل تصافينا
انت ودك ترد علي بس انا طلعت مو كفو
يعني ما تبي ترد علي
عاد تلتزم بكلمتك؟
:P

jako
عنيف
الله يرحم لي شيبانكم
تكفون تركوه عنكم
ترى بالنهاية اهو ضحية
وانشالله يجي يوم ويتنور

طز بالرجالة يقول...

تنكر
من ناحية ضحية فهو ضحية
ناويين نسوي منه برياني و مرقة معلاق في العيد الكبير عؤبال عندك

بو عبدالملك يقول...

طز
سوي برياني بس لاتنسين البقره امج انج تروحين لها وتحلبينها وتجيبين لنا حليب
هههههههههههه

Icarus يقول...

"سوي برياني بس لاتنسين البقره امج انج تروحين لها وتحلبينها وتجيبين لنا حليب
هههههههههههه"

هذا هو العمل وفق لمبدأ الإسلاميين الحرص الدائم على عدم التنابز بالألقاب وشتم من قال عنهم الرسول (ص) أن الجنة تحت أقدامهم...طبعا ولا ننسى المبدأ السماوي وجادلهم بالتي هي أحسن!!!

بو عبدالملك يقول...

جاكوو
جاهل شرع الله ؟؟
راح اتعب وانا اناقشك

انت انسان مذبذب تقول انك مسلم واقوالك اقوال كافر ؟؟
ف اتعب اذا اناقشك