يتم الان التحضير لفرض نظام البصمة في جامعة الكويت للطلبة والطالبات لتسجيل حضورهم وانصرافهم وغيابهم عن المحاضرات. وسيتم وضع جهاز في كل قاعة وفصل دراسي في سبيل متابعة كل طالب وطالبة ومدى التزامه.
لتبقى الكويت سباقة ومحترفة بفرض كل ماهو متخلف
مهزلة اخرى من مهازل وزارة التربية بقيادة السيدة الفاضلة نورية الصبيح
هناك 23 تعليقًا:
يعني ما يقدر الواحد والا الوحدة يبصمون بعدين يطلعون وآخر المحاضرة يردون ويبصمون مرة ثانية
صج عقولهم بركبهم
يعني بيطورون شنو بالضبط؟؟
كل نظام يديد يتقدم لابد من وجود دراسة له تبين الهدف منه و النجاح المراد تحقيقه
اهما شيبون يسوون بالضبط؟
مايبي يحطون بصمة بالمساجد ؟
احنا نقولهم ما نبي الحضور إجباري واهمة يبونا نبصم @@
لي متى يبون يخلونا نمشي لي ورا!!
احسن توفير للوقت من سالفه الدكتور يقعد ينادي وهم يردون
عادي مثل الدوامات يوم ما مشى كشف الحضور حطوا كرت وتالي قلبوا بصمة
أنا أنصح الجامعة يحطون كروت أول بعطين بصمة
وبعدين ليش محتر، أنت مالك شغل، النام بس حق الطلبة
ما سوت قص الاظافر الزامي بعد نفس المدارس؟
تضييق الخناق بهالديرة بشكل مغلوط لصالح منو انا مو فاهمة
على فكرة..سالفة البصمة..هبه بالديرة..واخر شي..بيقولون ماينفع
فعلا اذا صارت قمة المسخره ..
أول شي هي قمة العبط لانها راح تكون مكلفه جدا على مايدخلونها حق كل الفصول ..
بعدين بالوزارات والاجهزه ماسلمت من التشخط بالموس ..
ماأدري الصراحه عن مصدرك .. بس اعتقد ان الخبر غير دقيق ..
مشكور طال عمرك
ما فيها شي بصمة بالجامعة والمدارس
على الأقل التعليم غصب طيب
الجهل , التخلف وهدر الأموال عقيله سائده هالأيام والحرم الجامعي مو إستثناء.
يعني اللي يتغيب أي تحصيل علمي وأي تقدير راح يقدر يحصل عليه دام أنه متغيب؟ هذا طبعا بالحلات الطبيعيه مو حالات الفساد الأكاديمي.
على ما يمشون هالنظام .. اكون تخرجت
p;
اي ليش جامعة
ما كانت الكويت وايد احسن بنظام الملا
مو بو صلوح طبعا
اقصد خل نرجع حق الملا والملاية واللي يروح البحر يا ويله
لا اعرف ايجابيات والسلبيات بهذا المووضوع
انا اقترح انهم يستريحون
مافيها شي...خل يلزمون الطلبة بالحضور ويفهمون مناهجهم..وتطلعلنا مخرجات من الجامعة تفهم..وتخف ريولهم من شرق ومارينا والافنيوز..بالعكس قرار حكيم
وانا احيي الست ّنورية الصبيح على هذا القرار الجريء
ياجماعة الدكاترة تشتكي من عدم حضور الطلبة..
خلوهم يتعلمون الالتزام والجدية
شلون باجر بكونون قياديين في البلد..شلون يكون الشباب دعامة الدولة (حلوة دعامة):)
بس كل شي راح نقطة براس هالوزيرة
يبا الوزيرة ه>ي للي تتكلمون عنها لها تاريخ طويل في التربية والتعليم
ماجاءت من فراغ
انا شخصيا اعتبرها عن 10 رجال
خلوها تنجز وماتدرون يمكن اهيةاللي بتعدل أوضاع التعليم المزري والمخرجات الفقيرة في البلد
وهذا رأي الشخصي
دمتم سالمين:)
اكيد والا حجي ؟
الحمدلله تخرجنا قبل لا نشوف هالفناتق
بدال لا يعدلون المناهج يهتمون بالحضور الجسدي , مرحبا بكم في بلد البيروقراطية
يرحم و الديك اهي راده على هالمهزله بس
شنو ... يهال؟
ماني حاط بذمتي
بس الظاهر المسأله تنفيعيه و واحد من الهوامير عنده اجهزة بصمه الكترونيه طاييحن بجبده و الست الحدايديه بتفرج كربه و تمشي بضاعته
والله اعلم
نوريه قصت ويوه اللي دافعوا عنها
اشكركم على تواصلكم الجميل
تحياتي العطرة لكم
خل يحطون بصمة للدكاترة اللي تنطرهم يمكن يمر المحاضرة ويمكن ما يمر خل يعيدون تقييم اداء البعض منهم اللي يقيم الطالب على الشكل او الأسم ذيك الساع الطلبة يلتزمون
إرسال تعليق