في فرق؟مو شايف أي فرق
يمكن حدس أكثر وضوح من التحالف بشوي
خلونا نشوف شلون
ماله داعي أبين تناقضات ومصلحجية حدس وصفقاتها السياسية
الزملاء المدونين كفوا ووفوا
الله يعطيكم العافية
وبصراحة اللي ليلحين مقتنع بحدس
يا ان من المستفيدين من نصبهم او ان من القطيع التابع لهم
اما التحالف وما ادراك ما التحالف
لايمكن ان نصفه الا بالتوأم المسخ من حدس
بالنظرالى الاهداف العامة للتحالف الوطني المنشورة في الموقع الرسمي التابع لهم
لا نجد الا كلام أهبل مكرر دون ملامح واضحة
يعني الواحد ما يدري اهما شنو يبون بالضبط
على الاقل على الاقل
صيروا مثل حدس يوم بينت في موقعها الرسمي ان من اهدافها العامة تعديل الدستور ليصبح اسلامي اكثر مما هو عليه
فالمفروض انتو تبينون شنو وجهة نظركم من المادة الثانية وانكم المفروض تطالبون بالغائها كونكم لبراليين
يا عيني عاللبرالبة
الواحد والله محتار فيكم
الحين احنا نعيب على التكتل الشعبي ان لا يملك مرجعية معينة ولا اجندة واضحة
بالله قولوا لي شنو اجندتكم انتو
عاد صج خبصتوها بسالفة الثورة التاريخية على الغاء قانون منع الاختلاط
فعلا احترنا فيكم
صحححح النوم
بس ترى الصراحة حلوة
خطاباتكم الرنانة وتصريحاتكم النارية من ابطال الصمغ والقطن ما تفيد
وكلامكم عن قوى الظلام والكلام الفاضي ما يمشي الا على القطيع الاخر المماثل لقطيع حدس
السالفة تجارية بحتة
منع الاختلاط فيه مخاسير
وهم لانه يحوش عيالكم الحلوين
وينكم طول هالمدة؟
بس والله ما تستحون
ما فزعتوا الا يوم القانون بدا يتطبق على الجامعات الخاصة؟
عادي عندكم يوم تطبق على جامعة الكويت؟
العن ابو الزمن اللي صار فيه التحالف يمثل تيار سامي اسمه اللبرالية
انتو وين واللبرالية وين
بالنهاية اوجه تحية عطرة من اعماق قلبي الى كل لبرالي حقيقي يحكم مبادئه بعيدا عن كل المصالح
هناك 5 تعليقات:
ما أعتقد إن فيه ليبرالية حقيقية في الكويت
ويه تبرد القلب
حياك في حزب المصلعين
sologa-bologa
لا تكون متشائم
موجودين ولكن غير منظمين
Arfana
بارده دوم انشالله
اذا في دفع رسوم اعذريني
:P
لا أفا عليك المصلعين مفلسين كلهم
تعال نعطيك كوبون تموين عيش وحليب وبيض
مو متأمل من التحالف اكثر من الي اهم يسوونه
فزتهم فزة .... وراح يردون مثل الاول لا ارى لا اسمع لا اتكلم
إرسال تعليق