كثير ما نسمع تداول هذا المبرر بين اوساط الشباب والشابات الكوول* دوود* في عدم القز* في بعض اماكن الترفيه بالكويت سواء كانت مطاعم او مقاهي او مجمعات.
على سبيل المثال وليس الحصر, حين تقترح عليهم الذهاب الى لورينزينو* الافنيوز* يوم الخميس ستجدهم يعتذرون عن الذهاب معك لانه اصبح للعقد*, في حين ان من يعتذرون اليوم كانوا في يوم من الايام ناقعين فيه 24/7. ولكن هذه الحياة ومتغيراتها. فرايديز شارع الخليج كان بؤرة قز الزقرتية* , واليوم حين تسال الزقرتية عنه سينعتونه بابشع الاوصاف.
والنظرية تنطبق تماما على المعارضة الحالية للحكومه وحماة الدستور, فهنالك الكثير من الكويتيين الذين كانوا يعارضون الحكومة بكل شاردة وواردة ويحمون الدستور من ذرات الغبار تجدهم اليوم يعتذرون عن الانضمام لمعارضة اليوم لانها صارت مالت عقد.
ساترك المجال للقراء لتفسير الكلمات المنجمة*
هناك 8 تعليقات:
انت عقيدي . ايولله صج
راعي تنكر تقصد بلاكبيري ولا قصدك شي ثاني:) لول
انزين الايفونات وين يروحون هالأيام
شوف الفرق بالمشاركين و المتحمسين لى نبيها خمس و التجمعات اللى صايره اللحين
قلناها قبل وزعلوا علينا
موضة
تبي نلف و ندور ولا نطقها في الويه...قصدهم البدو
عنصرية رهيبة و ترى ثلاث ارباع الي واقفين ضد الدستور واقفين ضدهم علشان بدو و بس
لا تأزيم و لا تحزيم و لا خرابيط
علشان بدو مستخسرين فيهم المعارضة
مع ان البدو اهل كرامة و عزة نفس و ما يرضون بالضيم ..بس شتقول
الحكومة عايزه كده
تهال نتحجي بالصراحة اكثر
و ما يهمني الي بيزعل من القراء
الحين اييب الجويهل البيسري - و هذي عنصرية ايضا مني- الي مرته من عايله معروفين انهم بعرفنا ( سمر) او موالي مثل ما نقول و تسلطه على اهل القبائل؟ مو امة تضحك؟ مو امة تفشل؟ مو امه تستاهل الي يصير فيها
صار عدنان المطوع و القلاف و سلوى يعبرون عن الشعب
اي شعب و هم اقلية تمثل اقلية
شيعة و تجار و ناس داشين بالنص علبو انهم من ابناء السور الي يتحجي عنه الجويهل
و انصحك تشوف صورة التمار ريل سلوى و تعال قول لي ..اي اصل و فصل و تمثيل للشعب الكويتي يتحجون عنه؟
طز في الحكومة و طز في الي يدافع عنها
حنطفيس
وجهة نظرك :)
مسمار
والله علمي علمك انا من ربع النوكيا الاشتراكين
بومريوم
انشالله الصادق بنلقاه في كل تيار يخدم الكويت
طز بالرجاله
من ناحية الحكومة واللي يدافع عنها فالف طز وطز
من يعجز عن النظر في المبادئ ينظر في الأحداث
ومن يعجز عن النظر في الأحداث ينظر الى الأشخاص
هنا أجد نفسي أتفق مع الأخت طز بالرجالة وهي حالة نادرة
من يتغنى بالقيم والموضوعية طلع غازات في تنك وقت الصجية والعنصرية
بوست خفيف لكنه مو هين :)
فعلا أوادم فاضيه وسطحية !!
بس قبل لا أستهل ودي اقولك الله يبشرك بالخير دام الـ
dude
بطلوا يقزون بـ لورينزو ودي أروح له من باجر :) اقوول ما طاح للنجوم أخف للسما :)
قبل يقولون لفو !! لوث !! هيلق قرازعه !! الحين هبوا بـ عـَقـَد؟؟
للأسف مجتمعنا الكويتي بجميع أطيافه عنصري متعنصر ولا تسألني عن الأخيره لأني بتوهق بالإجابة
:)
على إن العنصرية صفة بغيضة تشترك فيها كل المجتمعات الا ان الحكومات والشعوب الذكية تجتهد في مكافحتهاالا حكومتناالغير رشيدة!! اللي تشجع وتدفع للمتردية والنطيحة للتطاول على الآخرين
وعلى طاري كلمة عَقَدْ هالكلمة كانت تنقال قبل الغزو على فئة معينة غير كويتية ..اماالحين فللأسف صارت تنقال عن البدو!!
يتراوللي لو تجمع شباب الا الدستور
لابسين
Abercrombie &fitch
المعادلة حزتها بتقلب 180 :)
مشكلتنا بالكويت مثل ما قال اخوي كويتي ننظر الى الأشخاص وإنتمائاتهم يعني لا مباديء ولا موضوعية ولا بطيخ
والمنتديات والمدونات والمسجات خير دليل على عنصريتنا كلنا بدونا وحضرنا شيعتنا وسنتنا !!
صباحك عـقد أقصد عسل :)
مقالك جميل يا الاخو. لكن لي كلام ابيك تفكر انت وقرائك المحترمين فيه. لمن تقول "عندما تسأل الزقرتية عنه، يقولون مال عقد"، لمن تعتقد ان الزقرتية مجموعة حصرية من الناس و تجرد الكلمة من معناها الحقيقي وتلبسها ثوب فؤي-يقتصر بس على ناس معينة- لا يضم من تعتقد بانهم عقد، فأنت بذلك ساهمت في هالمشكلة -اذا كانت مشكلة. ثم ليش تزعل إذا بعض من الناس ما قام يسليهم هالمكان، هذي طبيعة الناس على قولتك.
بالنسبه لربط الموضوع بالوضع السياسي. حنا عندنا مشكلة يا الكويتيين، انه نحب نصنف الاوادم خاصة فيما يتعلق بهالمواضيع. فإما تكون حكومي -انبطاحي كما يحلو للبعض- او معارض -معطل لعجلة التنمية، يجب أن تكون لدينا طواعية فكرية ويجب كذلك أن نفهم طبيعة السياسة-ان كنت سياسي فانت طول عمرك سياسي وان لم تكن لن تكن ابدا.
إرسال تعليق