الجمعة، 9 أكتوبر 2009

قبل ان تدخل

منعا للاحراج
اخي الزائر, اختي الزائرة, ارجو قراءة التالي للأهمية
التزاما من ادارة استراحة التناكر بالقوانين المعمول بها في حكومة دولة الكويت وايماننا التام بضرورة تطبيقها هنا في استراحتكم استراحة التناكر وذلك للسعي لوطن افضل وتنمية اوسع وحضارة مستمرة ورساله خالدة, قررنا الاتي
1- يمنع الدخول الى الاستراحة او التعليق فيها او حتى التفكير او الحلم فيها بعد الساعة 12:00 منتصف الليل.
2-الزائرات السافرات الغير ملتزمين بفتوى وزارة الاوقاف يمنع دخولهم الى الاستراحة بشكل مطلق.
3-الاستراحة تفتح ابوابها كل يوم مع جرس المدارس.
4-الاستراحة لا تستقبل الاخوة الزائرين من المثليين جنسيا.
5-الاستراحة تخصص يوم الاربعاء لدخول للعائلات فقط.
6-الاستراحة تخصص يوم الاحد لدخول النساء فقط.

الرجاء التقيد بالقرارات الجديدة اعلاه والا ستعرضون انفسكم للمسائلة القانونية.

ملاحظة: يوجد لدينا حجابات مؤقتة للأيجار يمكن استخدامها اثناء تواجد الاخوات السافرات في الاستراحة

هناك 20 تعليقًا:

C'est La Vie يقول...

ويييي غبرااااااه
صارت استراحة اسلامية ؟ :/

راعي تنكر يقول...

كيفج عاد
اجري حجاب الساعة بدينار و 5 دنانير تأمين واذا فيج قشرة الساعه بدينارين ونص وتأمين 15 دينار

ma6goog يقول...

التعليق مختلط؟ و الا للعايلات فقط؟

راعي تنكر يقول...

عادي اليوم جمعه
وترى كلها 15 دقيقة ونعزل

هالحـــــزة يقول...

ليش احس ان في كلامك استهزاء على المتديينين بالحلية او الملتزمات بالحجاب ؟؟

C'est La Vie يقول...

انزين يوم العائلات اييب معاي محرم؟
ويوم النساء هل راح تكون موجودة الاخت الفاضلة الداعية "راعية تنكر" عشان تعطينا دروس دينية؟

راعي تنكر يقول...

هالحزة
لا يتراوالك

C'est La Vie
يستحسن
واذا ماكو اصير لج محرم
ويوم النساء انا راح اكون موجود واعتبروني مثل اخوكم

Jako يقول...

سؤال : الاستراحة توفر مفسر للأحلام؟

السؤال الأهم : شاب مسلم حاب يدش لكنه غير متزوج وغير مقتدر! الزبدة...عندكم مسيار؟

ومناإلى مفتي الديار راعي تنكر!

أبوغرايم يقول...

هههههههههههه

لااااا تكفااا إلا إستراحة التناكر لا إطبقوون عليها هالقرار ! (:

حراام ياخي , ويييين إنرووح ! هههه

والله هالقرار صدمه بصراحه و ماكان ودي أن المتأسلمين سياسياً ينجحون بالوصول إلى مسعاهم نحو جعل الديره , طالبان خليجيه !

حسافه ,, هذا يعتبر إنتصار لهم و حافز للمطالبه بقوانين ثانيه !!

أوو صج نسيييت ,, ممنوع التعليق بعد الـ 12 بالليل !

ماعليه ,, خل يسمحلي هايف و ربعه ! للحين مو متعود هههه

تحياتي للإستراحه و للقائمين عليها !

هالحـــــزة يقول...

راعــي تنـكر ادري فيك ماتشوف بظلمة ..

فريج سعود يقول...

والي ما يلتزم ؟

خربشتينو يقول...

عسى ما يسكرون النت بعد !

مافيش انترنت بعد الساعة اتنعشر !؟

يالله سترك ..

حكومتنا تعبي ممتاز الظاهر !

SHOOSH يقول...

كااااااااااااااااااااك

في شرطة آداب عندك بعد ؟؟؟؟

TAFATEFO يقول...

ده شيء عظيم

loooooooooool

راعي تنكر يقول...

jako
توفر افا عليك وبلاش بعد
بس المهم اكسر سوق الخزعبلاتي النهام

يبا ييب صاحبتك وانا امشيك

ابوغرايم
تحياتي لك عزيزي وانشالله النصر للمتنورين

هالحزة
الله لا يراويك

فريج سعود
راح نحوله النيابه ;)

خربشتينو
والله مو بعيده

shoosh
حتى هيئة السعودية تفتر عندي

TAFATEFO
والله انت السكره

كويــتي لايــعه كبــده يقول...

طيب الدبكة أو الفرينسي مع النساء وبيع الخمور يجوز اذا أعرف أحد من القادة؟

EXzombie يقول...

انزين ابي فاتورة بالحسنات الي راح احصلها لما اعلق عندك، الحساب عندي ضارب و ابي اعرف راح يعطوني اي قسيمة بالجنة؟

ROAD RUNNER يقول...

آآآآه يالقـهر !

Dakhtar Blue يقول...

عفوا انا بس حبيت استفسر عن شغلة...
الاستراحة فيها براحة حق وأد البنات؟

راعي تنكر يقول...

كويــتي لايــعه كبــده
يجوز يجوز ولا تدقق

EX
ارسل لنا تفاصيلك الشخصية واسم الوالده الله يحفظها وراح نرسل لك المعلومات اللي تبيها بالبريد المستعجل

ROAD RUNNER
سلامتك

دختر
كل شي موجود