الاثنين، 11 مايو 2009

خمرة .. صالح الملا

بلوية الانتخابات والحوسة مو كاسر خاطري الا انسان واحد
عيسى زكي
هذا اهو اللي يقدم برنامج طريق الايمان من اذاعة الكويت
الريال قاعد بالاستيديو ودق عليه واحد مليق وسأله شنو حكم التصويت لبياع خمر وخنازير
طبيعي الشيخ عيسى زكي بيقول حرام
تعالي يا وزارة الاعلام و وقفي البرنامج!!
السؤال
يعني هل كان من المفروض ان يقول له حلال نصوت حق بياع خمر وخنازير؟ هم ما يصير
انا اقول كان من المفروض ان الشيخ يسوي روحه نسى السؤال وما يجاوب بالمرة..والله بلشه
-----

صالح الملا نعتذر منه على موضوع الغيابات بالمجلس بحيث ان صدقنا بدون ما نتحقق
لكن
يا بومحمد هم ما يصير التأخير المستمر
يعني الواحد بوظيفته البسيطة وهو مسؤول عن نفسه فقط وما يتأخر
تيي وانت مسؤول عن امة تمثلها وتتأخر بهالطريقة؟
المفروض تكون متفرغ لعملك
يعني ما نبي نتخيل لو كل الاعضاء يتأخرون مثلك

هناك 9 تعليقات:

Mohammad Al-Yousifi يقول...

ماقدر انقد عليه

كوني ايضا اقعد متأخر

enter-q8 يقول...

تهقى لو داق عليه و قايله
فضيلة الشيخ يجوز انتخب واحد يبي يستجوب بعد 6 اسابيع بدون ما يعلن محاور استجوابه

احتمال يلغون الاذاعه

EXzombie يقول...

معجون طماط مو فتاوي؟

حسام بن ضرار يقول...

صح لسانك Enter-Q8

بن جبلة يقول...

نبي اقتراح من الملا

تغيير موعد الدوام الرسمي

من 7:30

الى 10:00

كل واحد ايي على راحته

اللي ما يصوت على هالقرار ماله ولا صوت السنة الجاية مادري عقب أربع سنين
اذا الله عطاه و عطانا عمر

كويــتي لايــعه كبــده يقول...

وزارة الاعلام داجّة

باغي الشهادة يقول...

عجبني اقتراح بن جبلة

AuThoress يقول...

الألتزام مبدأ إنساني وأخلاقي.. إذا لم ينبع من الداخل، صعب إعادة تأصيله في الفرد.


التزم يا صالح ارجوك، الوطن يستاهل.

بو سعد يقول...

للاسف يقول لي واحد يعرف صالح عن قرب انه لما كان يداوم معاهم بالبترول كان دوامه مو منتظم و كثير التأخير و الغياب و الطبيات .. صراحة شي يضيق الخلق .. و يا رب ما يصير نفس الشي بالمجلس بعد ..