الخميس، 9 أبريل 2009

قطوة دسمان

اللي دوامه بالديره
وطريجه يمر على دوار دسمان
بحيث يكون قصر دسمان على يمينه وهو طالع من اشارة الدائري الاول
اكيد لاحظ هالاسبوع القطوة الميته اللي ما شالوها من بداية هالاسبوع!!!
اولا حرام
ثانيا شي غير صحي
ثالثا منظر كريه
رابعا شنو يعني اسبوووع ومحد شالها؟
يعني المسؤولين عن هالامور هذي شنو قاعد يسوون طول هالفترة؟

هناك 14 تعليقًا:

بومريوم يقول...

فى كتب تتبادل بين البلدية و الهيئة العامة للزراعه الان لتحديد المسئولية
و قد يفضى الامر لتشكيل الادارة العامة لازالة العتاوية الفاطسة من الشوارع

يا خوى الديرة بكبرها ميتة من جم سنة يت على عتوى
-------------
بعدين هالايام صاير قلبك رقيق وايد...شالسالفة؟

ma6goog يقول...

غلطتها

أبو جيج مع الورقة البيضاء يقول...

من معالم البلد السياحية

و بعدين مع تحلل جثة القطو راح تتحسن التربة حيل...و يطلع مكانه شجرة كمثرى أو أجاص على حسب لون القطو...و المسؤولين ناطرين الأجاص يطلع بعدين يبلشون بإجراءات نقل جثمان القطو


بدون أجاص...لا أحد راح يقرب من القطو

كويــتي لايــعه كبــده يقول...

قطوة دسمان شيخة مثل ما كلب الشيخ شيخ؟
(مثل قديم يعني مو انا مخترعه)

يمكن ناطرين مراسيم من الديوان لبروتوكول الشيله.

Joonna يقول...

انا داعمتها :)

guevara يقول...

معاك حق مسئوليه منو؟؟
انا اقترح على النواب الي راح يفوزون بالمره اليايه انهم يستجوبون وزير البلديه لانه مسئول عن النظافه وشركات النظافه وتركه للقط بالشارع
وطبعا الوزير بما انه مدعوم فأقترح توجيه الاستجواب لرئيس الوزراء لانه مسئول عن اداره البلد.
هذا الي ناقص قطو ميت ومحد يشيله ولا اسبوع صارله هزلت؟؟؟

غير معرف يقول...

SORRY the servant of the shiek is shiek not the dog and this in every place in the world not only in kuwait

AyyA يقول...

انا عنك كنت طلعت من سيارتي و غليتها باقرب زباله، و علي فكره مسويتها من قبل

المقوع الشرقي يقول...

حتى تكون عبره لمن يعتبر
وبالمره استطلاع رأي
بشوفون السلبيه
عندنا لوين المؤشر!!!
التفت الصوب الثانى
شفت فريجنا!:)

Um il sa3af wil leef يقول...

المتحف العلمي وتحنط ...عيل بحنطونها المسكينه علشان شنو ؟؟

لُهَيْمانيٌّ يقول...

يا رجال من تحاكي؟

سنة 2007 كان فيه نعجة ميتة ومحذفوة جيفتها على وصلة الغزالي مع الدايري السادس، شهدت تحللها الكامل يوميا الى ان استوت بالقاع وما قمت تفرق بينها وبين التربة ،والى الان موجودة بقاياها شاهدة على اهمال وتسيب المسؤلين و على ازدواجية جنسية اللي حذف النعجة

فريج سعود يقول...

يمكن لانها مو كويتية

Dr. Blue يقول...

طرحك مشروع أزمة بين السلطتين

طز بالرجالة يقول...

قطوة دسمان؟
قريت العنوان علبالي تقصد دعيج الخليفه
شب الليت طف الليت