كل ما في الامر ان النائب سعدون حماد قد قرر اليوم ان يحمل معه الى المجلس, ثقافة كويتية اساسية وقديمة ومتجددة. ثقافة الاصيل والبيسري, عيال بطنها والدخلاء, زبيري نجدي عيمي بدوي حضري صلبي حساوي والكثير من الفئات الاجتماعية الاخرى. حمل معه تلك الثقافة التي ترعرع عليها جميع الكويتيين بدرجات مختلفة. البعض ممكن لا يستخدمها الا امام المقربين جدا كأفراد عائلته والاخر يستخدمها في دوانية الاهل ولكن يبتعد عنها في الدواوين الاخرى واخر يستخدمها في عاموده اليومي في جريدة ما, وقد اشرقت شمس اليوم الذي نرى فيه هذه الثقافة داخل قبة عبدالله السالم.
الازمة اكبر من سعدون حماد
الازمة ازمة مجتمع واخلاق
هناك 30 تعليقًا:
الله ينور عليك
اختصر علي البوست اللي كنت بنزله
اننا شعب كذاب يدعي الفضيلة
و سووها قصة
لغة الحوار كانت متدنية و لا لها صله بالعمل البرلماني من الاثنين
واحد يقول مملوك و الثاني يرد عليه بيسري
بيسري يايه من كلمة بواسير ؟
يعني الحبيب ما تحمل البواسير اللي فيه من القعده ، فقام تكلم علشان يخفف العوار ، و طلعت منه بيسري عن غير قصد .
و على فكره ، ترى هالنوع من الاجسام اذا عضّه ، يعلك علك ، ولا افتكر مصبغه تنفع معاه.
من غذى هذه الثقافة
من وجه الأعلام لرعاية هذه الثقافة
إليست هي الحكومه
لاحظ الجسم ، شوف الضعيف تلقى ما عنده ، و البو تشه يا حبة عيني ، تلقاها مسحوكه ، بس نمونة جسم الحبيب غايته حق العضّ و يبيلها واحد وياه يساعده علشان يطلعها .
أقصد سكوب والصباح
و هذا لا يقلل من ذنب الذَنّب
سعدون أحمق
لكن المشكلة عميــــــــقة
نزعة كامنة في أعماق النفوس
مفيش فايدة
الله عليك
من افضل ما قرات في طرح الموضوع
نعم هذه القافة متاصله بالكويتيين
واحنا ما نلوم النائب نلوم الى اختاره !
مستوى الحوار بالمجلس تحت الصفر للاسف
الشرهة على رئيس الغفلة وينه بس فالح "يرفع" ما يعرف يوقف النواب عند حدهم..
سعدون انت شكو تدافع عن أحمد الفهد وبعدين يا الصرعاوي خلاص ابحث عن تاييد نيابي واحيل الملفات اللي تشوف فيها أحمد الفهد له دخل فيها وحولها تحقيق؟
كتبت هذا التعليق في مدونة عاجل وأعيده هني لتعميم الفائدة
===
"ولا تزر وازرة وزر أخرى"
ما لقيت أفضل من هالآية الكريمة أبدأ بها تعليقي ..
يا جماعة الخير لا نطلع عن أصل المشكلة ويجرنا الفاسدين للتقاتل ولمزيد من تمزيق المجتمع وتفتيته
إذا تحول نقاشنا إلى منو أصيل ومنو مو أصيل والبدو كيت وكيت والخضر فيهم ويغطيهم !!
راح ينتصر علينا كل شلة الفساد ويجرونا إلى اللي يبونه فعلا
يقول الرسول عليه الصلاة والسلام : " إن الله لا ينظر إلى أجسامكم ولا إلى صوركم ولكن ينظر إلى قلوبكم وأعمالكم " رواه مسلم , ويقول عليه الصلاة والسلام : " من أبطأ به عمله , لم يسرع به نسبه " رواه مسلم .
وإلى الأخ العزيز Enter-Q8
إسمح لي أعتب على كل من خذاه الحماس وعمم خطأ سعدون على كل قبيلته ، وأنا أقولك يا بو وليد امسحها بوجههي وما لك إلا طيبة الخاطر
المخطيء هو سعدون وحده وعيب أن نعمم خطأه على كل قبيلته الكريمة
وإنت يا بوليد سيف مجرب
نعرفك ونعرف حبك للكويت ولا نشكك في وطنيتك أبد
وللجميع أعيد وأقول :
هدف جماعة الفساد أن نتكلم بهذا النفس البغيض ونتركهم على كيفهم يسرحون ويمرحون بعد ما بثوا سموم الفرقة بيننا
لا نعطيهم الفرصة وينجحون في تفريقنا
كلنا إيد وحدة متكاتفين في حب الكويت وفضح المفسدين ، سنة وشيعة وبادية وحاضرة
كلنا واحد في حب الكويت
اخوي Enter-Q8
شنو الغلط اللي غلطه الصرعاوي؟ عشان قال سعدون تبع احمد الفهد سياسيا؟ يعني انت تشك بهالشي؟ هل هذا غلط اخلاقي؟ هل هذا يسمح له ان يتعدى على عائلته؟ نبي العداله.. من حق اي سياسي ان ينتقد سياسي اخر لانتمائه (الفكري والسياسي) وليس الرد يكون بانتقاد الأصل!! عيل جذي خنرد عزبة ومشيخة وفكوها ديمقراطية.. اتركوها فانها منتنة حديث الرسول صلى الله عليه وسلم.. لا مااشوف الصرعاوي غلط.. انتقد نعم انتقد.. ولازم يرد سعدون هذا بنفس الانتقاد وبنفس المجال مو يروح يقول اصله وفصله.. وين قاعدين..
استاذ حمام انت تبيها من هالمنطلق عادي ارد بنفس المنطلق اللي انت تقوله لما يقوله انت بيسري هل تشوفها ان سعدون غلط
لا يا استاذ حمام مو هالكلام
لما اقول حق واحد مملوك تبي تقنعني ان هذا مستوى حضاري مستوى برلماني
لا يا استاذ معليش احنا مو سنه اول سياسة او لغة حوار
لا هذي مو ثقافة "الكويتيين"
هذي ثقافة دخيلة
نعم لدى الكويتيين عادة في تخير النطف
هذا عند الزواج
هذا شأن اجتماعي بحت ولا يعني ذلك الإستخفاف بالناس فالدواوين مفتوحة للجميع والتكافل موجود وغيرها من الدلائل الكثير
ما قيل حقارة وليس ثقافة
عمرنا ما سمعنا من اهلنا قولة لا تطلعون مع فلان لأنه مو اصيل
لا تقعدون مع فلان لأنه مو اصيل
لا ترافجون فلان لأنه مو اصيل
هي قصتين وليست واحدة
قصة مرتزق و قصة دخيل
رأي شخصي
مع الشكر
للاسف والله
ولد الديرة
اسمحلي اختلف معاك واتفق مع راعي تنكر
من يوم انا بالثانوي وانا اسمع هالكلام من شباب كان يفترض انهم أصدقائي.. انت أصيل ولا بيسري؟ وطبعاً ما فهمت شنو يقصدون فسألت الوالد الله يرحمه، وقال لي ما عليك منهم.. والوالدة تقول لي: قول لهم ابوك فلان لكن انتو منو ابهاتكم وشنو سووا بدنياهم وحق بلدهم؟
ورحت ثاني يوم وحطيت هالكلام بعينهم حسبالي راح أسكتهم.. لكن ولا كأني قلت شي... ظلوا يقولون "احنا الأصل والفصل... الخ
وتدور الأيام والسنين.. والا صاحب أطول لسان فيهم وهو ولد أسرة عريقة لكن معروف عنها "النعرة"، بنت خالته تتزوج واحد من أهلي وبعدهم بكم شهر ولد عمه هم بعد يخطب وحدة من بناتنا
وإلى اليوم أسمع من بعض أولياء الأمور ان هالكلام ليلحين يدور بين الطلبة في مدارس اليوم... وطبعاً من وين بيجيبون هالتفكير غير من أهلهم؟؟
ولا أحد يقول لي الموضوع محصور بالزواج فقط.. شوفوا التوظيف والتعيين والترقيات شلون تتم في كل مكان، القطاع الخاص والعام
وحتى الدواوين مع انها مفتوحة للجميع، لكن الناس ما تتلفظ بالكلام العنصري اشكره... بس صدقوني الفكر العنصري مكنون في العقول والنفوس
وأحب أضيف انه حتى عبارة "ولد بطنها" مادري من وين جاية.. ما اسمعها وأقراها إلا هالأيام
---
الأخ راعي تنكر
بالنسبة للاستبيان على الصفحة الرئيسية، يرجى من حضرتكم اضافة خيار "لا أعلم" لكي يتسنى لمن لا يعرف ولا يهتم بالأصل والفصل أن يشارك
هي بالنسبة لي ما هي ثقافة الكويتيين كثر ما اهي ثقافة المجتمعات المتخلفة ..
و مع الأسف احنا مجتمعات متخلفة لي الحين
و أوافق زيدون .. هالشي موجود من زمان عند الكويتيين و غير الكويتيين .. و يحتاج شوي نرفزة و تشوف قناع الفضيلة يطيح عن الغالب
Zaydoun
بعد اذنك راعي تنكر
مسموح
انا ما اعرف في اي حقبة صار هالكلام ولا في اي مرحلة لكن ما عمري سمعت اثنين من جماعتي القراب يقولون ربع هالكلام
الإعتزاز بالأصل شيء واحتقار الناس شيء مختلف
لازلت اعتقد ان هذي ثقافة دخيلة منبعها الفضاوة والتفدوي (مشتقة من مصطلح فداوي)
enter Q8
ماعليه بس انت وسع صدرك
عاضّه
تهقى ؟
بوبندر
صدقني موجوده من زمان
مطقوق
بالتأكيد
مغاتير
في فايدة انشالله
حاطب
شكرا
مركبنا
معاك حق
معمعه
انعكاس لمستوى الشعب
كاركتير
كلامك صحيح
بوبدر
شكرا على التعميم
ولد الديرة
اعتقد انه حان الوقت لتقرأ تاريخك ومن ناحية اخرى اكثر من احتكاكك مع الكويتيين في كل المناطق حتى تتضح عندك الرؤية
زيدون
تقدر تحط أخرى :P
متفائل
ما اختلفنا
راعي تنكر
تهقى حان؟
زين قلت لي لأن قعدتي مع البنغال الظاهر ما تفيدني
بس على طاري تاريخي
تبي اقرأ من سنة الهيلق لما الأصايل ساعدوا الهيلق الأجانب وغيرهم في القرن التاسع عشر
والا تهقى ابدي تاريخي من عشر سنين لما انت سمعت من احد عن هالمصطلحات؟
تاريخي اللي اعرفه يتعبك يا راعي تنكر وانت تقرى فيه :)
على الطاري
خبرني اذا تبي مصادر :)
ولد الديرة
هي فعلاً فضاوة عقل... والأشخاص اللي أتكلم عنهم وكانت تطلع منهم هالسوالف إلى الآن عقولهم فاضية ولا تقدر تقبض منهم جملة مفيدة.. ناقصين عقل ودين الحمدلله والشكر.. عموماً انا قطعت علاقتي معاهم من سنين وارتحت من لغوتهم
بس صدقني الموضوع ولّد عندي حساسية من هالشي لدرجة اني أحس فيه من غير ما اللي جدامي ينطق بكلمة.. لكن الحمدلله الواحد لما يكبر يعرف شلون يختار ربعه، لذلك ما قمت أهتم واذا قبل كنت أتضايق الحين أضحك على سخافتهم
بالنهاية لا الأصل ولا الفصل ينفعون يوم الحشر، ومادري على شنو شايفين نفسنا.. لا يكون سلالة البوربون ولا الهابسبورغ؟! كلنا شوية قبائل تايهة بالبر ولو ما الجوع والفقر جان ماحد جاء الكويت من الأساس
الواحد يعتز بأصله اذا صاحب هالأصل تاريخ مشرف من الخدمة والعطاء والإنجاز... مو ربعنا اللي شايفين نفسهم على الطل
Zaydoun
بعد اذنك راعي تنكر
اتفق معاك 100%
بس للتأكيد مرة اخرى
هذا الكلام الفاضي مو ثقافة "الكويتيين"
ترى حتى الموالي يشوفون نفسهم على بعض لا صار هذا مولى شيخ والثاني مولى شخص آخر
لكن نجمع الكويتيين كلهم على هالفضاوة!
تحياتي وحياك معانا ترى قعدة الربع البنغال مفيدة جدا :)
بالمناسبة
"ولد بطنها"
والله العالم منبعها السفن اللي شالت العتوب في القرن الثامن عشر
"بطنها" يعني بطن السفينة او "الخِنْ"
يقصد فيها الكويتيين الأوائل
والله اعلم
شيلمهن!!
ايه قام سوققك
http://www.alwatan.com.kw/Default.aspx?tabid=263&article_id=516180
مرحبا يا راعي التناكر
المفروض ما تنسى الكنادره الي شالو الماي مثل ما التناكر تنقل الماي
واحد من الكنادره برميثيه يسمونه يوسف تنكر لانه اول كندري كان عنده تنكر ويبيع الماي على الناس وبعدها مددو الماي على البيوت وتمت التسميه قائمه عليه الى الان
سعدون حماد لم يحملها من ذاته بل حُمِّل من قبل سيده أحمد الفهد والأمر الذي لا يحرج أحد منهم كونهم لا يستحون.
المسألة بالإضافة الى أنها أزمة أخلاق بالمجتمع فهي أزمة سياسية متعمدة الفساد والسماح به.
إرسال تعليق